Schadenfreude

Schadenfreude (alemanez [ˈʃaːdənˌfʁɔʏ̯də] ahoskatua) giza-esperientzia ohikoa da: gertukoen zoritxarra ikustean edo gertukoak pairatutako irain, kalte, arazo edo porroten berri jakitean; horrekin plazera, alaitasuna, poza edo gogobetetasuna sentitzean datza.

Etimologia

Schadenfreude maileguzko hitza da, alemanezkoa; hainbat hizkuntzatan erabili ohi dena kulturazko termino gisa, hizkuntza askotan ez baitago sinonimo garbirik. Hitz konposatua da, osagai hauekin: Schaden 'kalteak, kalte' eta Freude 'poza'.

Euskarazko ordainak

EHUko Euskara Institutuak egindako lan batek^[1], euskarazko testuetan 10 agerpen zenbatu zituen, eta ordain zerrenda hau emanː

• (voll Schadenfreude sein) zoritxarraz poztu
• (Schadenfreude empfinden) maltzur sentitu
• bozkario
• gozatze modu bat
• poz txiki bat
• alaitasun maltzur
• besteak umiliatzeko poza
• poz gaizto
• (aus Schadenfreude) besteren gaitzak ninduen pozten
• kalte poz

Euskaldunen schadenfreude linguistikoa

Euskal Herriko diglosia egoeran, ohikoa da testu eleanitzetan (iragarkietan, eskuarki) erdarazko bertsio zuzenen ondoan euskarazko ordain txarra aurkitzea, ezjakintasunak edo txukuntasun faltak eraginda.^[2] Horregatik, kontrakoa gertatzen den aldi bakanetan,^[3] euskaldunek sentitzen dutena schadenfreude adibide garbitzat har daiteke.

Erreferentziak

Kanpo estekak

• Datuak: Q1163717
• Multimedia: Schadenfreude / Q1163717