Richard Rogers

Richard Rogers
Irudi gehiago
Lorden Ganberako kidea 1996ko urriaren 17a - 2021eko maiatzaren 11
Bizitza
Jaiotza	Florentzia, 1933ko uztailaren 23a
Herrialdea	Erresuma Batua
Lehen hizkuntza	ingelesa
Heriotza	Londres, 2021eko abenduaren 18a (88 urte)
Familia
Aita	Nino Rogers
Ama	Dada Gelringer
Ezkontidea(k)	Su Rogers (en)  (1960 -  ezezaguna) Ruth Rogers (en)  (1973 -  2021eko abenduaren 18a)
Seme-alabak	ikusi Roo Rogers (en)
Hezkuntza
Heziketa	Architectural Association School of Architecture (en) 1959) St John's School, Leatherhead (en) Yale School of Architecture (en) 1962) Kingswood House School (en)
Hizkuntzak	ingelesa
Jarduerak
Jarduerak	arkitektoa eta diseinatzailea
Lan nabarmenak	ikusi Kleanthis Vikelidis Stadium (en) Millennium Dome Nittele Tower (en) Georges Pompidou Zentroa Lloyd's building European Court of Human Rights building (en) Senedd building (en)
Jasotako sariak	ikusi Pritzker Saria  (2007) Royal Gold Medal  (1985) Praemium Imperiale  (2000) Golden Lion  (2006) Auguste Perret Prize  (1978) Fellow of the Royal Institute of British Architects Honorary doctorate from university of Florence  (2005) Knight Bachelor Royal Designer for Industry  (2014) Fulbright Scholarship
Kidetza	Royal Academy of Arts Académie d'architecture (en) Accademia delle Arti del Disegno (en)
Mugimendua	arkitektura modernoa
Sinesmenak eta ideologia
Alderdi politikoa	Alderdi Laborista

Richard Rogers, Rogers of Riverside baroia (Florentzia, 1933ko uztailaren 23a - Londres, 2021eko abenduaren 18a) britainiar arkitektoa izan zen, jatorriz italiarra.

Londresen hasi zen Arkitekturako ikasketak egiten, eta Arkitektoen Elkargoaren Akademian eta Yaleko Unibertsitatean ikasi zuen. Irakasle izan zen Cambridgen, Yalen, Princetonen eta beste hainbat unibertsitatetan. Team 4 taldeko sortzaile eta bazkide (1963-1968) izan zen, eta ondoren Renzo Pianorekin lanean jardun zuen Parisko Pompidou Zentrorako lehiaketa prestatzen (1971). 1960ko hamarraldiaren amaieran plastikozko eraztunez osaturiko etxe malgu arin baten proiektua prestatu zuen bere emaztearekin batera, eta 1971n gauzatu zuen hura, Zip-up izenarekin. Pianorekiko elkarlanaren ondoren (1977) bere estudioa sortu eta industria eraikin bikainak egin zituen (Newport Swenteko Inmos Microprocessor Factory, Galesen; PA Technology Cambridge Laboratory, Cambridgen). Bere obretan teknologiaren eta eraikina makina bat bailitzan adierazten duen ikuspegiaren aldeko zaletasuna nabarmentzen da. Hain zuzen ere, goi-mailako teknologia (High Technology) izenaz ezagutzen den joeraren sortzaileetakoa izan zen Rogers, eta bera da nazioartean ospea lortu zuten britainiar arkitekto bakarretakoa. Oro har, jendearentzako eraikinak, eraikin funtzionalak osatu ditu, eta malgutasunez jokatu du, adibidez Londresko Lloyd`s eraikinaren proiektuan (1986). Aipagarriak ditu, orobat, Londresko Reuters eta Channel 4, Gizakiaren Eskubideen Gortea, Estrasburgon, Marseillako aireportuaren zabaltze-lanak, zenbait bulego-etxe Alemanian eta Japonian, eta Berlin eta Londresko South Bank Centreren egoitzen planoak. Azkenaldiko lanetan, Madrilgo Barajas aireportuko hirugarren terminalerako Antonio Lamelaren estudioarekin egindako elkarlana du azpimarratzekoa.

Erreferentziak

Kanpo estekak

• Datuak: Q237412
• Multimedia: Richard Rogers / Q237412