Proba analitiko

Proba analitikoak edo analisiak medikuntzan diagnostikoa lortzeko laborategian egiten dituzten proba osagarri mota bat dira.

Laginak

Analisiak egiteko honelako laginak eduki ditzakegu:

• Odola.
• Gernua.
• Karkaxa.
• Gorotzak.
• Beste jariakin batzuk.

Odol-analisiak

Biokimika

Biokimikaren analisien bidez, giltzurrun eta gibelaren funtzioa aztertzen ditugu, batik bat, odolean aztertzen dituzten parametro batzuk aztertuta:

• Glukosa: Baloreak igotzen dira diabetean.
• Urea eta Kreatinina: Giltzurruneko funtzioa aztertzeko.
• Sodioa, Potasioa, Kloroa, Kaltzioa, Fosforoa.
• Proteina totalak, Albumina.
• Transaminasak (GPT, GOT, GGT eta FA): Gibela begiratzeko.
• Kreatin-fosfokinasa (CPK), Laktato-deshidrogenasa (LDH) eta T-troponina: Bihotzeko miokardioaren entzimak dira, altuak egn ohi dira Kardiopatia iskemikoan.
• Kolesterola, Lipoproteinak (HDL, LDL, VLDL), Triglizeridoak.
• Burdina, Ferritina, Transferrina: Anemiak ikertzeko.

Hemograma

Hemogramaren bidez, odolaren hiru elementu nagusi aztertzen dituzte: hematiak, leukozitoak eta plaketak.

Koagulazioa

• Protronbina Denbora edo Quick denbora.
• INR (International Normalized Ratio): Aho bidezko tratamendu antikoagulantearen ("Sintrom") kontrolerako erabiltzen da.
• Tronboplastina Partzial Aktibatuaren Denbora (TPAD edo APTT ingelesez).
• Tronbina Denbora.

Gasometria

Arterialak informazioa ematen du arnas gutxiegitasuna diagnostikatzeko, eta benosoa baliagarria da asaldura metabolikoetan.

Mikrobiologia

Kultiboak

• Hemokultiboak.
• Urokultiboak.
• Koprokultiboak
• Beste batzuk: Karkaxarena, likido zefalorrakideo.

Serologiak

Bakterio edo birusen aurkako antigorputzak aztertzen dituzte odolean.

Immunologia

Immunitate-sistemaren egoera erakutsiko dute A, G eta M immunoglobulinen azterketa odolean, besteak beste.

Bestela, antigorputzak begiratzen dira autoimmunitatearekin lotutako gaixotasunak diagnostikatzeko.

Beste batzuk

• Anatomia patologikoa
• Hormonak.
• Proteinograma.

Kanpo estekak

• "Odol-analisia" artikulua "Osatuz" aldizkarian^{[Betiko hautsitako esteka]}

• Datuak: Q2296168