Nanjing kalea

Nanjing kalea (txineraz: 南京路; pinyineraz: Nánjīng Lù), Shanghaiko erosketa kalerik garrantzitsuena da, eta munduko handienetakoa da.

Kokapena

Gaur egun kalea bi zatitan banaturik dago, Ekialdeko Nanjing kalea, eta Mendebaldeko Nanjing kalea. Ekialdeko Nanjing kalea oinezkoentzako gunea da gaur egun. Nanjing kalea, hiriaren erdigunean dago, hirigunea mendebaldetik ekialdera zeharkatuz. Ekialdeko zatia Huangpu Barrutian hasi eta Bunda zeharkatzen du Herriaren Plazaraino helduz. Mendebaldeko Nanjing kalea bestalde, Herriaren Plazan hasi eta mendebalderantz luzatzen da Jing'an Barrutiraino.