Kurtsore

Kurtsorea Informatikan, pantailan ageri den adierazle berezi bat da, kliska egiten duen marra edo laukizuzen itxurakoa, eta tekleatzen diren karaktereak non ageriko diren adierazten duena. Beste batzuetan, erabiltzailearen interfaze grafikoetan adibidez, marra bertikalean agertzen da, eta dokumentuan grafiko edo testuak non itsatsiko diren adierazten du; txertatze puntua deritzo horri. Horrez gainera, datuak sartzeko erabiltzen den arkatz optiko edo erakusleari ere kurtsore deritzo, eta sagua darabilten aplikazio edo sistema eragileetan, baita sagua mugitzearekin batera pantailan lekuz aldatzen den gezi edo bestelako ikurrari ere.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017-04-28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.