Henri Lefebvre

Henri Lefebvre
(1971) Irudi gehiago
Bizitza
Jaiotza	Hagetmau, 1901eko ekainaren 16a
Herrialdea	Frantzia
Heriotza	Nabarrengose, 1991ko ekainaren 29a (90 urte)
Familia
Seme-alabak	ikusi Roland Lefebvre (en)
Hezkuntza
Heziketa	Pariseko Letren Fakultatea Parisko Unibertsitatea
Doktorego ikaslea(k)	Michel Clouscard (en) Antoine Savoye (en) Francis Gandon (en)
Hizkuntzak	frantsesa
Ikaslea(k)	ikusi Mario Gabiria Labarta
Jarduerak
Jarduerak	filosofoa, politikaria, soziologoa, unibertsitateko irakaslea, literatura-kritikaria, Frantziako Erresistentziako kidea eta geografoa
Enplegatzailea(k)	University of Strasbourg (en) Paris Nanterre Unibertsitatea
Sinesmenak eta ideologia
Erlijioa	ateismoa
Alderdi politikoa	Frantziako Alderdi Komunista

Henri Lefebvre (Hagetmau, Landak, 1901eko ekainaren 16a - Nabarrengose, Bearno, 1991ko ekainaren 29a) frantses filosofo eta soziologoa zen. Frantziako Alderdi Komunistako teorialari nagusia izan zen, 1958an alderditik egotzi zuten arte. Lefebvreren iritziz, filosofiaren eta langile-iraultzaren arteko zubia eskaintzen du marxismoak, gizartea bere osotasunean aztertzen duen jakintza den neurrian. Lefebvrek gaur egungo gizarteko egiturak aztertu zituen, eta gidaturiko kontsumo-gizarte burokratikotzat jo zuen gaur egungo gizarte-sistema. Haren arabera, etengabeko kultura-iraultzaren bidez baizik ez da gaindituko ideologia burgesaren alienazioa.

Obra nagusiak: La Conscience mystifiée (1936), Le Matérialisme dialectique (1939) eta La Somme et le Reste (1959). Frantsesez, ingelesez eta alemanez idatzi zuen.

1978an, Frantziako Alderdi Komunistara itzuli zen, haren ustez alderdiak Moskurekiko independentzia handiagoa izateak lan politikorako eta ezkerrarekin eztabaidatzeko kondizio berriak sorrarazi baitzituen, horrek berekin bere pentsamendu askeari uko egitea ekarri gabe.

Erreferentziak

• Datuak: Q162597
• Multimedia: Henri Lefebvre / Q162597