Hegazterren tximeleta

Hegazterren tximeleta
Irudi gehiago
Sailkapen zientifikoa

Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Nymphalini
Generoa	Aglais
Espeziea	Aglais io (Linnaeus, 1758)

Datu orokorrak
Ostalaria	Asun handi

Hegazterren tximeleta edo pauma tximeleta (Aglais io^[1]) Euskal Herrian aurki daitekeen tximeleta bat da, Nymphalidae familiakoa.

Banaketa

Eurasia guztian espezie arrunta da. Bi azpiespezie ditu:

A. io caucasica (Jachontov, 1912)
A. io geisha (Jachontov, 1912)

Deskribapena

Imagoa

Tximeleta handia da, 50-55 mm-ko hegal zabalera hartzen du. Nahasterik ez dagoen tximeleta da. Gainaldean kolore gorri indartsua du eta hegal bakoitzean ozelo urdin-beltz deigarria du. Ozelo horien funtzioa harrapariak izutzea da^[2]. Azpialdean kolore marroi iluna du, hosto lehorren itxura hartuz^[3]. Gorputza bera marroia du.

Beldarra

Beldarra beltza da eta puntu zuri batzuk baditu. Gorputzean arantza zorrotz handiak ditu.

Bizi zikloa

Udaberriaren hasieran arrautzak jartzen ditu, 500 inguru. Astebetera beldarrak jaiotzen dira. Hasieran 3 mm-ko luzera dute eta jaiotzean zuri-berdexkak badira ere iluntzen joaten dira amaieran belztu arte. 4 cm-ko luzera hartzen dute. Beldarrak asunetaz elikatzen dira.

Iruditegia

Gainaldea.
Azpialdea.
Ozeloa.
Beldarra.

Erreferentziak

↑ Aglais io, Moths and Butterflies of Europe and North Africa
↑ (Ingelesez) Stevens, Martin. (2005). «The role of eyespots as anti-predator mechanisms, principally demonstrated in the Lepidoptera» Biological Reviews 80 (4): 573–588. doi:10.1017/S1464793105006810. ISSN 1469-185X. (Noiz kontsultatua: 2022-02-20).
↑ «A-Z of butterflies - Butterfly Conservation» web.archive.org 2010-11-16 (Noiz kontsultatua: 2022-02-20).

Kanpo estekak

Autoritate kontrola	Wikimedia proiektuak Datuak: Q158699 Multimedia: Aglais io / Q158699 Espezieak: Aglais io Datu taxonomikoak BOLD: 264733 BioLib: 51584 Dyntaxa: 201059 EOL: 160164 Fauna Europaea: 441678 GBIF: 4535827