Emari (likidoa)

Emaria denbora jakin batean isurtzen duen likido-kantitatea da. Hidrologian erabiltzen denean ibai edo beste ur-ibilgu bati buruz esaten da sarri. Fluidoen dinamikan erabiltzen denean dukto baten sekziotik (hodia, oleoduktoa, ibaia, kanala...) denbora-unitate batean igarotzen den fluido kopurua da. Normalki fluxu bolumetrikoarekin identifikatzen da, edo denbora-unitate batean azalera batetik igarotzen den bolumenarekin. Gutxiagotan fluxu masikoarekin lotzen da, hau da, denbora-unitate batean azalera batetik igarotzen den masa.

Definizio matematikoa

Emaria aztertzen den sekzio edo azalarerakiko normala bada emaria eta batazbesteko abiaduraren artean honako harremana ematen da:

${\displaystyle Q=A\,{\bar {v}}}$

non

• ${\displaystyle Q}$ emaria den ([L³T⁻¹]; m³/s)
• ${\displaystyle A}$ azalera den ([L²]; m²)
• ${\displaystyle {\bar {v}}}$ batazbesteko abiadura den. ([LT⁻¹]; m/s)

Emariak A azaleraren sekzioaren elkartzutarekiko θ angelua osatzen badu, orduan honela kalkulatzen da:

${\displaystyle Q=A\,v\cos \theta .}$

Fluxua A azalarekiko elkartzuta bada (eta beraz θ = 0 eta ${\displaystyle \cos \theta =1}$) orduan fluxuak honako balioa du:

${\displaystyle Q=A\,v.}$

Emariaren abiadura ez bada uniformea edo azalera ez bada laua, emaria integral baten bidez kalkulatu behar da:

${\displaystyle Q=\iint _{S}\mathbf {v} \cdot d\mathbf {S} }$

non dS azaleraren bektorea den, hau da:

${\displaystyle d\mathbf {S} =\mathbf {n} \,dS,}$

non n azalerarekiko bektore unitario normala den eta dS azaleraren elementu diferentziala.

S azalera baldin badu V bolumen bat barruan ixten duena, orduan dibergentziaren teoremak dio gainazalan zehar igarotzen den fluxua v abiaduraren dibergentziaren integrala dela bolumen horretan:

${\displaystyle \iint _{S}\mathbf {v} \cdot d\mathbf {S} =\iiint _{V}\left(\nabla \cdot \mathbf {v} \right)dV.}$

Kanpo estekak

• Datuak: Q8737769