Cristobal Balentziagaren jaiotetxea

Cristobal Balentziagaren jaiotetxea
Eraikitako euskal ondasun nabarmena
Getariako hiri historikoa
Irudi gehiago
Kokapena

Herrialdea	Euskal Herria
Probintzia	Gipuzkoa
Udalerria	Getaria

Koordenatuak	43°18′13″N 2°12′13″W / 43.30358°N 2.20366°W / 43.30358; -2.20366

Arkitektura
Ondarea
EJren ondarea	107

Cristobal Balentziagaren jaiotetxea Gipuzkoako Getaria udalerrian dagoen etxe bat da, Cristobal Balentziaga jostun ospetsuaren jaiotetxea; horren berri ematen du etxebizitzaren izkinako eskailerara begira dagoen hormako plakako idazkiak.

Etxea, zehazki, Getariako Alde Zaharrean dago, Aldamar kaleko 12. zenbakian. Itxura apaleko etxe honetan, 1895eko urtarrilaren 21ean, erditu zen Martina Eizagirre Enbil bere bost seme-alaben artetik gazteenaz, Cristobalez. Jose Balentziaga Basurto zen aita.

Eraikinak XIX. mendearen amaieran Euskal Herriko kostaldean zehar eraikitako arrantzale bizitetxeen ohiko ezaugarriak ditu. Oso eraikin gartxua da, harlangaitz-hormazkoa, neurri txikiko baoekin, eta ia motibo aipagarririk gabea. Etxabea eta goragoko hiru solairu ditu.