Batroun

Batroun בתרון
giza kokalekua
Irudi gehiago
Administrazioa
Herrialdea	Libano
Batroun barrutia
Ordu eremua	UTC+2 (udan +3)
Geografia
Koordenatuak	34°15′17″N 35°39′32″E / 34.2548436°N 35.6589586°E / 34.2548436; 35.6589586
Azalera	4,68 km² km²
Altuera	34 m
Demografia
Biztanleria	38.000
Dentsitatea	8119,66 bizt/km² bizt/km²
Informazio gehigarria
Hiri senidetuak	Valence
batroun.com

Batroun (grezieraz, Βοτρύς, Botrys; arameraz בתרון, Bitron) Libanoko iparraldeko kostaldeko hiria da. Batroun barrutiko hiriburua da eta munduko hiri zaharrenetariko da. Oso hiri turistikoa da.

Toponimia

Batroun izena grezieratik dator, Botrys, latinez Botrus. Historialariek grezierako izena toponimo fenizieratik etor daiteke, bater hitzatik, ebaki hitza alegia; hitzaren zentzua itsasotik babesteko feniziarrek eraiki zuten itsas-hormatik etorriko zen. Beste historialariek beit truna izen fenizieratik etor daitekeela uste dute, nagusiaren etxea euskaraz.

Demografia

Batrounen jatorri desberdinetako populazioak daude: maronitak,^[1] melkitak eta greziarrak, azken hauek kristau ortodoxoak. Batroun Libanoko Eliza latindarraren egoitza da.

Hisotria

Batroun ziur asko K.a. XIV. mendean Amarnako eskutitzetan aipatzen den "Batruna" hiria izan daiteke. Estrabon, Plinio, Ptolomeo, Stephanus Bizantziokoak eta Hierocles antzinako geografoek aipatu zuten . Theophanesek "Bostrys" esan zion.

Feniziarrek antzinatean Theoprosopon eta Bizantziar Inperioan Lithoprosopon lurmuturraren ertzean hiria sortu zuten. Kondairaren arabera Batroun Itobaal I.a (Ethbaal) Tiroko erregeak sortu zuen, eta haren alaba Jezabel (897-866 K.a.) Ahab erregearekin ezkondu zen. Erromatarren menpe egon zenean Fenizia Prima izeneko probintzia izan zen. Ondoren, kristautu zenean, Antikokiako Patriarkerriren barruan gelditu zen.

551 urtean lurrikara batek hiria suntsitu zuen. Historialarien ustez Batroungo portu naturala orduan sortu zen.

Gutxienez hiru apezpiku ortodoxoak Batroungokoak izan ziren: Porphyrius, 451an, Elias, 512 inguruan, eta Stephan, 553an. Batrounen eliza ortodoxoaren egoitza gutxienez X. mendetik egon da; orduan bere izena Petrounion zen. Musulmanek lurraldea konkistatu zutenean, izena arabieratu zuten, Batroun bihurtuz.

Gurutzatuen Armada ere Batrounen egon ziren. Haien aztarnak arroka baten gainean eraikitako Mussaylha gotorlekuan aurkitu izan dira.

Otomandar Inperioaren garaian Libanoko mutessariflik ehiza ingurua bezala erabili zuen. 1999tik Maronita Patriarkerriren egoitza da.

Iruditegia

Erreferentziak

Kanpo estekak

• Batroun Times egunkaria.
• (Ingelesez):Informazio turistikoa.

• Datuak: Q3285145
• Multimedia: Batroun / Q3285145